स्मार्टफोन ब्रान्ड भिभोले नेपाली बजारमा आफ्नो नयाँ ह्यान्डसेट 'भिभो वाई५००' (Vivo Y500) औपचारिक रूपमा सार्वजनिक गरेको छ। आकर्षक 'नेबुला विन्डो' क्यामेरा मोड्युल डिजाइनमा आएको यो फोन पर्ल ह्वाइट र मिडनाइट ब्लु गरी दुई वटा रङ्ग विकल्पमा उपलब्ध गराइएको छ। आधुनिक सौन्दर्य र प्रिमियम शिल्पकारिताको उत्कृष्ट संयोजन रहेको यो फोन समात्न र बोक्न निकै सहज छ।
शक्तिशाली ब्याट्री र दीर्घकालीन ग्यारेन्टी
भिभो वाई५०० को मुख्य आकर्षण यसमा रहेको ८१०० एमएएच क्षमताको 'ब्लुभोल्ट' ब्याट्री हो, जुन भिभो स्मार्टफोनमा दिइएको अहिलेसम्मकै सबैभन्दा ठुलो ब्याट्री हो। कम्पनीले यस ब्याट्रीमा ६ वर्षको हेल्थ ग्यारेन्टी र ५० महिनाको स्मुथ एक्सपिरियन्स सर्टिफिकेसन समेत प्रदान गरेको छ। भिभोको आफ्नै 'स्पेस स्ट्याकिङ टेक्नोलोजी' र 'म्याजिक क्युब एक्सपान्सन प्याकेजिङ' प्रविधिको प्रयोगले गर्दा यति विशाल ब्याट्री हुँदाहुँदै पनि फोनलाई स्लिम र पातलो बनाउन सम्भव भएको छ। एक पटकको फुल चार्जमा प्रयोगकर्ताले लगातार १० घण्टासम्म गेमिङ गर्न सक्नेछन्।
डिस्प्ले र पर्फर्मेन्स
यस स्मार्टफोनमा १.५-के इन्फिनिटी एमोलेड डिस्प्ले दिइएको छ, जसले १२० हर्ज रिफ्रेस रेट, एचडीआर १०+ भिजुअल र ५००० निट्सको पिक ब्राइटनेस सपोर्ट गर्छ। कार्यसम्पादनका लागि फोनमा ६ एनएम प्रविधिमा आधारित अल्ट्रा स्मुथ प्रोसेसर प्रयोग गरिएको छ, जसले लामो समयसम्म बिना कुनै ल्याग उत्कृष्ट पर्फर्मेन्स दिने कम्पनीको दाबी छ।
क्यामेरा र वाटर प्रुफ प्रविधि
फोटोग्राफीका लागि यसमा ५० मेगापिक्सेलको मुख्य क्यामेरा र ३२ मेगापिक्सेलको फ्रन्ट क्यामेरा राखिएको छ। धुलो र पानीबाट सुरक्षाका लागि फोनमा आईपी६८ तथा आईपी६९ लेभलको प्रतिरोधी क्षमता छ। साथै, यसमा 'अन्डरवाटर फोटोग्राफी' मोड पनि समावेश छ, जसले पानीभित्र पनि निर्धक्क रूपमा तस्बिर खिच्न मद्दत गर्छ।
मूल्य र उपलब्धता
नेपाली बजारमा भिभो वाई५०० को ८ जीबी र्याम तथा १२८ जीबी स्टोरेज भेरियन्टको मूल्य ५४,९९९ रुपैयाँ र ८ जीबी र्याम तथा २५६ जीबी स्टोरेज भेरियन्टको मूल्य ६१,९९९ रुपैयाँ तोकिएको छ। यो फोन देशभरका आधिकारिक रिटेल स्टोरहरूका साथै दराज अनलाइन प्लेटफर्ममार्फत खरिद गर्न सकिनेछ।
