काठमाडौं । प्रविधि कम्पनी साओमीले नयाँ स्मार्ट वाच ‘साओमीवाच एस५ ४६ एमएम’ (Xiaomi Watch S5 46mm) नेपाली बजारमा सार्वजनिक गरेको छ । आकर्षक डिजाइन, लामो ब्याट्री ब्याकअप, स्वास्थ्य निगरानी तथा खेलकुदसम्बन्धी स्मार्ट सुविधासहित यो वाच सार्वजनिक गरिएको कम्पनीले जनाएको छ ।
यो स्मार्टवाचमा १.४८ इन्चको एमोलेड डिस्प्ले दिइएको छ, जसको रिजोलुसन ४८०×४८० पिक्सेल र ३२३ पीपीआई रहेको छ । साथै, २,५०० निट्ससम्मको ब्राइटनेस भएकाले घाममा पनि स्पष्ट रूपमा प्रयोग गर्न सकिने कम्पनीको दाबी छ ।
स्टेनलेस स्टिल फ्रेममा तयार गरिएको यस वाचमा विभिन्न बेजेल र स्ट्र्याप विकल्प उपलब्ध छन् । करिब ४६ ग्राम तौल भएकाले लगाउन हलुका र सहज हुने कम्पनीले जनाएको छ ।
स्मार्टवाचमा रहेको ८१ मेगाहर्जको ब्याट्रीले सामान्य प्रयोगमा एकपटक चार्ज गर्दा अधिकतम २१ दिनसम्म साथ दिने दाबी गरिएको छ । स्वास्थ्य निगरानीका लागि यसमा मुटुको धड्कन, रगतमा अक्सिजनको मात्रा (Spo2), निद्रा तथा अन्य स्वास्थ्य सूचक मापन गर्ने उन्नत सेन्सर र एल्गोरिदम समावेश गरिएको छ । साथै, निद्राको साप्ताहिक तथा मासिक प्रतिवेदन र जस्ता सुविधाले प्रयोगकर्तालाई आफ्नो स्वास्थ्यबारे विस्तृत जानकारी उपलब्ध गराउने कम्पनीले जनाएको छ ।
खेलकुद रुचाउने प्रयोगकर्ताका लागि वाचमा १५० भन्दा बढी खेल तथा व्यायाम मोड, डुअल ब्यान्ड पाँच प्रणालीयुक्त जीएएसएस तथा साइकल यात्राका क्रममा स्मार्टफोनसँग जोडिने रियल-टाइम ड्यासबोर्ड सुविधा पनि रहेको छ ।
यसमा रहेको नयाँ प्यासन मोडले ताली बजाउने, हात हल्लाउने वा मुठ्ठी कस्ने जस्ता गतिविधि पहिचान गर्न सकिन्छ । साथै, मुटुको धड्कन, खर्च भएको क्यालोरी तथा व्यायामसम्बन्धी विवरण पनि अभिलेख राख्न सकिन्छ ।
स्मार्ट वाचमा ब्लुटुथ ५.४, एनएफसी फाइभ टीएम, वाटर रेसिस्टेन्स लगायतका सुविधा समावेश छन् । आधुनिक जीवनशैली, स्वास्थ्य निगरानी तथा सक्रिय खेलकुद गतिविधिका लागि यो स्मार्ट वाच उपयुक्त रोजाइ हुने कम्पनीको दाबी छ । कम्पनीका अनुसार ‘साओमीवाच एस५ ४६ एमएम’को नेपाली बजार मूल्य ३९ हजार ९९९ रुपैयाँ तोकिएको छ ।
